Mémoire présenté et défendu publiquement en vue de l'obtention du grade de" Licencié en langues et littératures Africaines"

Résumé,

Iki gikorwa cacu cakozwe mu ntumbero yo guterera umuganda mw'itunganywa rya kazinduzi nyarumwe aari na ho havuye imvo yo kuyitunganya kugira ngo twerekana akamaro karyo. Harisunzwe ibikorwa bimaze gutunganwa ku vyerekeye gutunganya kazinduzi, insorongoro y'amajambo n'ibindi. Twarakoze itohoza ku myeha yose yo muri komine ya Nyanza-lac mu ntara ya Makamba. Na ryo rikaba ryaranzwe n'ibibazo hamwe n'ibiganiro ku vyerekeye uburovyi bwo ku kiyaga ca Tanganika. Mu gutunganya iyi kazinduzi, twarahuye n'ingorane zitari nke, aha twovuga nk'amajambo y'ururimi ugereranije n'ayakoreshwa mu mvugo, gusoma no kwandika ikirundi, kazinduzi ishingiye kuri urwo rurimi, ingorane z'ubuhinga mw'itohoza, ubuhinga bwo gusorongora amajambo n'intambamyi zabwo, igiharuro c'amajambo ya kazinduzi, insiguro y'ijambo rya kazinduzi, urukurikirane rw'inkuru ya kazinduzi n'iyubakwa rya kazinduzi. Twarabonye ubushobozi bw'ijambo ry'irizanano n'insiguro y'ijambo ico ari co. Twarihweje iyubakwa rya kazinduzi nyezina rihagaze ku majambo yerekeye uburovyi ku kiyaga ca Tanganika duhereye ku bikoresho bikoreshwa mu kuroba, ubuhinga bwo kuroba, ibikorwa bitandukanye bikorwa ku mweha, bigize ubwato, ubwoko bw'amafi n'ubuhinga bwo kuzihingura na vyo nyene ntivyibagiwe. Twakoreye ku myeha yo muri komine Nyanza-lac gusa, uwobandanya igikorwa nk'iki, yokorera ku myeha yose kuko amajambo agenda arahindagurika bivanye naho umweha utumbereye.